Xurmanın xeyirləri nələrdir?
Xurma insanlar üçün əvəzolunmaz bir meyvədir.
Xurmanın faydalarından nə qədər danışsan da bitməz. Bu meyvə Allahın insanlar
üçün yaratdığı bir nemətdir. Yalnız bunu demək kifayətdir ki, Allahın yaratdığı
bitkilər, meyvələr arasından yalnız bir neçəsinin adını öz müqəddəs kitabı
Qurani-Kərimdə qeyd etmişdir. Bunlardan biri də xurmadır. Hətta Allah Cənnətdə
də xurma bağlarının olduğunu qeyd etmişdir. Xüsusilə indi Ramazan ayında xurma
süfrələrimizin vaz keçilməzidir. Ramazan ayında oruc tutanların xurmadan
istifadə etməsi məsləhət görülür. Çünki xurma insanı tox tutur, gec acdırır.
Hətta peyğəmbərimizin( s.a.s) dövründə gün ərzində bir xurma ilə oruc
tutanların olduğu da qeyd edilmişdir. İndi isə xurmanın bəzi faydalarına nəzər
yetirək.
Xurmanın tərkibi
bir sıra vitaminlər, karbohidratlar, zülallar, dəmir, sink, fosfor, kalsium,
kalium, maqnezium və s. zəngindir. Buna görə də xurma immuniteti gücləndirir,
xəstəliklərə qarşı muqaviməti artırır. Qan azlığında istifadə olunur təbii qan
artırıcıdır. Qan damar sisteminin inkişafına müsbət təsir edir. Hətta qan
təzyiqi olan insanlar da az miqdarda olmaq şərti ilə xurmadan istifadə edə
bilərlər. Xurmadan hamilə qadınlar və süd verən analar da istifadə etməlidir. Hamilə
qadınlarda uşağın inkişafına, süd verən analarda isə süd ifrazının artmasına
səbəb olur. Xurma böyrəklərin fəaliyyətini yaxşılaşdırır. Qaraciyər və öd
kisəsinə müsbət təsir edir. Görmə qabiliyyətini yaxşılaşdırır. İştahsızlığı
aradan qaldırır. Bir sözlə, çalışmaq lazımdır ki, xurma heç bir zaman
süfrəmizdən əskik olmasın.
Yorumlar
Yorum Gönder