Bədən çatlarının müalicəsi necə aparılır?

Bədən çatları, dərinin həddindən artıq dartılması nəticəsində dəridəki elastik toxumanın qırılması ilə meydana gəlir. Başlanğıcda qırmızı ilə bənövşəyi arası bir rəngdə olan böyüklü, kiçikli bu cızıqlar zaman keçdikcə ağ rəngə çevrilir. Ən çox qarın, bud, baldırlarda və döşlərdə görülən bədən çatlarının meydana gəlməsinə əhəmiyyətli kilo dəyişiklikləri, hamiləlik kimi hallar səbəb olur. Bu yaranan çatlar da qadınlarda psixoloji və gözəllik baxımından çətinlik yaşanmasına səbəb olur.

Hər kəsdə çatlar yarana bilərmi?

Xeyr. Çünki bədən çatların meydana gəlməsində varisliyin də rolu vardır. Toxumaları zəif olanlarda, kilo alıb vermə zamanı bu çatlara daha tez rast gəlinir. Dərisi açıq tonlu qadınlarda qaraşın dərili qadınlara nisbətən daha çox çatlamalar olur. Çatların qarşısının alınmasında çəkini qorumanın və baxımın böyük təsiri vardır.

Dəri çatları xüsusilə gənc qızlarda yetişkənlik dövründə, bədənləri qadına xas dəyişikliklər göstərdiyində və eyni şəkildə bədən inkişaf etdirmə idmanı ilə məşğul olan kişilərdə də rast gəlmək mümükündür. Dərinin alt toxumasının yırtıldığı yerdə qırmızı -göy rəngə çalan xətlər meydana gəlir.

Bədən çatlarını yox etmək üçün təcrübədən keçilmiş maskalar .

Əvvəlcə qidalanmağa diqqət edilməlidir. Tez və çox kilo alıb vermək həm sağlamlıq üçün zərərli, həm də dəri sturukturunu pozduğu üçün görünüşünüzdə problem yaradır. Buna görə bir mütəxəssislə məsləhətləşmədən pəhriz etməkdən çəkinin. İdmanla məşğul olun və su təlabatına laqeyd yanaşmayın .

2 çay qaşığı zeytun yağı

2 çay qaşığı badam yağı

2 çay qaşığı çörəkotu yağı

Bu yağları qarışdırın və çatlarınızın sıx olduğu yerə masaj edərək dərinizə yedirin. 10 - 15 dəqiqə gözləyin və ilıq su ilə yuyun.

Kakao yağı , kətan yağı və qliserin yağını eyni ölçülərdə götürüb yaxşıca qarışdırın. Problemli bölgələrə masaj edin. Bu maskanı hər gün təkrarlayın.

Çatlardan qorunmaq üçün nələr edilməlidir?

Çox təəssüf ki,yaranan çatları yox edəcək möcüzə bir resept yoxdur. Amma, əmələ gəlməsini qarşısını almaq mümkündür.

-Dərinizi hər gün kremlə nəmləndirin .Kremlər  çatlamağa qarşı dəriyə ehtiyac duyduğu suyu verəcək.

-Bol-bol su için.

-A, E və C vitaminləri ilə zəngin meyvə-tərəvəz qəbul edin.

-İdman edin.

-Qısa müddət ərzində kilo alıb verməməyə çalışın.

-Hamiləsinizsə, kilonuzu həkiminizin təklif etdiyi sərhədlər içində tutmağa çalışın.

Bədən çatlarının tibbi müalicələrində hansı üsullar tətbiq olunur?

Çatları 100 faiz aparacaq hər hansı bir üsulun olmaması ilə birlikdə ən çox istifadə edilən üsullar lazer və karboksiterpiya üsullarıdır.

Bədən çatlarının müalicəsi necə aparılır, çatlaq, dəri çatları