Kompüteri necə sürətləndirmək olar?

                Kompüteri necə sürətləndirmək olar?

Kompüterə müxtəlif oyun, proqram və s. faylları əlavə edildikcə sürəti zəifləyir. Bu isə bizə çox pis təsir edir. Bunu aradan qaldırmağın yolları vardır. Belə ki, bu yazımda “kompüteri necə sürətləndirmək olar?” sualının cavabını izah edirəm.

1-ci yol:

Lazım olmayan, başlanğıcda avtomatik açılan proqramları aradan qaldırmaq

Əslində kompüterdə bizə lazım olmayan bir çox proqram var.

Bunları bağlamaq üçün windows 8 istifadə edənlər ctr+alt+delete düymələrilə, windows 7 istifadə edənlər isə windows+R düymələrilə) idarəetmə panelini açıb, başlanğıcda açılan proqramlardan bizə lazım olmayanları deaktiv edirik. Lazım olmayan başlanğıcda işə düşən proqramları deaktiv etdikdən sonra kompüteri yenidən başladırıq.

2-ci yol:

Defrag, Parçalanmış faylları birləşdirmək

Bu problem əsasən yalnız mexanik-maqnetik disklərdə yaranır. SSD adlandırılan disklkərdə defrag etməyə lüzum yoxdur. Defrag nədir? Hər gün kompüterə quraşdırıb-sildiyimiz bütün fayllar kompüterin müəyyən yerlərinə səpələnir. Həmin o faylları istifadə etmək istədikdə disk istədiyiniz o faylı açmaq üçün bir deyil bir neçə yerə sorğu göndərdiyindən faylı sitifadə etmə müddəti artır və beləliklə kompüteriniz zəifləmiş hesab olunur. Diski defrag etmək bu faylları bir-birinin yaxınlığına atmaq deməkdir. Beləliklə disk daha az yerə hərəkət etdiyindən sürətdə artım olacaqdır. Diski defrag etmək üçün yüzlərlə proqramlar var. Bu əməliyyat təmizləyici Ccleaner proqramının tərkibində də var. Qabaqcadan bildirmək yerinə düşər ki, bu əməliyyatı yerinə yetirmək üçün diskin istifadə edildiyi ölçü nəzərə alındığından 1-2 saat arasında  zamanınızı alacaqdır. Defrag əməliyyatını edərəkən kompüteri istifadə etmək xoşagəlməz haldır.

3-cü yol:

Təmizlik-keşi daima təmiz saxlamaq

Ccleaner kimi təmizlik edən, lazım olmayan registry qeydiyyatlarını silən proqramlardan istifadə edin. Bu brauzerinizin sürətini artırmaqla bərabər, diskdəki lazım olmayan faylları da silərək boş yer də açmış olur.

Problemi kökdən həll etmək- kompüteri formatlamaq

Kompüteri formatlamaq onu əvvəlki vəziyyətinə qaytarmaq deməkdir. Format etmək kompüteri  əvvəlki vəziyyətinə qaytarmağın ən asan və sürətli yoludur. İçindəki lazımlı faylları götürdükdən sonra format etmək ən yaxşı yoldur.

RAM-ı əlverişli istifadə etmək

RAM müvəqqəti yaddaş olaraq kompüterdə o anda açıq olan proqramların istifadə etdiyi məlumatları sürətli işləyir. Kompüterimizə 8 GB-lıq bir ədəd modul (RAM) əvəzinə 2 ədəd 4GB-lıq modul yerləşdirsək RAM-lar daha sürətli işləyəcəklər.

Bu mövzuda etdiyimiz səhvlər:

1)  İki antivirus proqramı istifadə etmək: Diskin sürətini ən çox zəiflədən proqramlardan birincisi antivirusdur desək yanılmarıq. Buna görə də iki və daha çox antivirus proqramı istifadə etmək diskin bütün gücünü alacaq və hətta kompüter bu halda açılmaya bilər.

2)  Açmaq istədiyiniz fayla çok klik etmək. Bəzən kompüterə hər hansı bir əmri verərkən bir az ləngiyir və bu zaman səbirsizləşib faylı daha tez açmaq istəyirik, amma bu əksinə zərərdir və bu zaman həmin fayl daha gec açılacaqdır.

3)   “Desktop” və ya “рабочий стол”-na həddindən çox fayl yerləşdirmək. Ekrana nə qədər çox fayl yığarsanız, bir o qədər də çox RAM istifadə edilir. Bu yeni kompüterlərdə bir o qədər nəzərə çarpmasa da, amma bir az köhnəlmiş kompüterlərdə özünü göstərir.

Beləliklə bu yazımda sizlərə kompüteri necə sürətləndirmək olar? sualına cavabları yazdım.  Sizin də bu mövzuda bildiyiniz varsa, rəy yaza bilərsiniz. 

 kompüteri necə sürətləndirmək olar,  sürətli kompüter, kompyuteri surətləndirməyin yolları,