Ağıllı
telefonlar, planşetlər, fabletlər sürətlə həyatımıza
inteqrasiya edir. Elə bu səbəbdəndir ki, alimlər bu qurğuların insanın fiziki
və psixi sağlamlığına təsirinin hərtərəfli tədqiqinə başlayıblar.
Harvard
Universitetinin professoru Emi Kaddi “The New York Times” üçün yazdığı
məqaləsində qeyd edib ki, gözünü Ağıllı telefonun displeyindən ayıra bilməyən
insanların beli tədricən əyilə bilər. Belə vəziyyət boyun nahiyəsinə əlavə yük
yaradaraq müxtəlif xoşagəlməz vəziyyətlərə gətirib çıxarır. Orta çəkili
insanlarda başın mailliyi 30 dərəcə olduqda boyun nahiyəsinə təxminən 18 kq, 60
dərəcədə isə 27 kq əlavə yük düşür.
Belə duruş yalnız fiziki deyil, həm də psixi vəziyyətə təsir edir: Kaddinin sözlərinə görə, belə duruş forması yalnız neqativ vəziyyəti əks etdirmir, həm də onu yaradır. Alim elmi işlərə istinad edərək bildirib ki, bükülmüş bel forması insanın əhval-ruhiyyəsinin pisləşməsinə, yaddaşının zəifləməsinə səbəb olur.
"Biz işin səmərəliliyini və yaşayış keyfiyyətini yüksəltmək məqsədilə gün ərzində mobil qurğulardan bir neçə saat istifadə edirik, ancaq bu cihazlarla belə sıx qarşılıqlı əlaqə tamamilə əks-təsir göstərir" – deyə Kaddi yazır.
Alim qeyd edir ki, Ağıllı telefondan istifadə zamanı bədənin vəziyyətinə diqqət yetirmək lazımdır.
Mənbə: http://www.ictnews.az